ප්‍රේමයේ සරදම

මා සිත පෙම්කල මා පෙම්වතියේ
ඔබ අද අප නිවසට එනවා
මා නෙතු කැන් කදුලින් පුරවාලා
නුඹ නිවසට කැන්දන් එනවා

මනාලියක් වී නුඹ සැරසේවී
පෝරුව මත හිද මුදු පලදාවී
නිවසෙ සිනා හඩ දෝර ගලාවි
මටම මගේ හිත සාප කරාවි

නුඹේ සිනාහඩ පිලිරැව් දේවි
නුඹේ කතාවන් සවන වැකේවී
ඔබේ දසුන සැම තැනක මැවේවි
කෙලෙසක මා සිත ඒ ඉවසාවි

මා ආදරේ බව ඔබට කියා නැත
මා පෙම් කල බව නුඹ දන්නේ නැත
නුඹේ සතුට නොව පැතුයෙ නුඹේ වත
වැරදි ඔහු නොවෙයි වැරදි මගේ සිත