අවනඩුව

නිදි යහන මත මාව පෙලනා නියා නිදි දෙව්දු හමුවන්න නොමදී ඔයා මගෙ හදෙහි දැවටෙන්නෙ කිමදෝ කියා පවසන්න මේ හැටිම සිතුමන් තියා

සිහිල් මද පවනැල්ල සේ ඵන්න ආසයි ඇවිත් ඔය කෙහෙරැල්ල නලවන්න ආසයි ඉර නැගෙන අරුණැල්ල හා එන්න ආසයි ඔබේ ලඟ සෙවනැල්ල වී ඉන්න ආසයි

මුව කමල ඇහිපිල්ල යට රැඳුණු ගානයි මද කොමල හසරැල්ල තුන් රැයෙහි පායයි මට රැයෙහි සැනසිල්ල ලැබ ගන්න බෑමයි මගේ මේ පැමිණිල්ල මල්සැව්ට බාරයි

සිනිඳු මල් පෙත්තක් ගැටී

සිනිඳු මල් පෙත්තක් ගැටී 

මගේ හද තැලුනා 

සෞම්‍ය සඳ කිරණක් වැදී 

මගේ හද දැවුණා

 

සුසිනිඳු මලකට මේ හැටි හදවත රිදවන්නට හැකිදෝ 

සොමි සඳ කිරණට මේ හැටි හදවත අවුලන්නට හැකිදෝ

 

සුසිනිඳු මල් පෙති මේ හැටි රළු යැයි අදහන්නේ කවුදෝ 

සොමි සඳ කිරණය මේ හැටි සැර යැයි පිළිගන්නේ කවුදෝ

 

200 සතිය

ආදරය ප්‍රකාශ කිරීමට බය වන්නේ ආදරය කරන්නා නොව පෙරලා ආදරය බලාපොරොත්තු වෙන්නාය.

199 සතිය

කවදාවත් අපි අකමැති දේවල් සිදු නොවන ලෝකයක කුමට අනාගතය ගැන බිය වන්නද?

198 සතිය

වේදනාව දුකක් නොවේ, දුක් වීමනම් වේදනාවකි. වේදනාවට අකමැති වීම ද දුක ඇති වීමට හේතු වේ

197 සතිය

අපේ අරමුණ කුමක්දැයි දැන ගැනීමට අප කරන ක්‍රියාවන් කරන්නේ ඇයිදැයි විමසන්න. එවිට යමක් ලැබීමට නම් ඒ දේ ලබන්නේ ඇයිදැයි විමසන්න. වෙනත් දෙයක් ලැබීමට නම් නැවත නැවතත් ඒ දේ ලබන්නේ ඇයිදැයි විමසන්න. අවසානයේ එකම පිළිතුරම නැවත නැවත ලැබෙයිනම් ඒ අපේ අරමුණයි.

196 සතිය

යමක් කලහැක්කේ උත්සහවන්තයාට පමණයි. නමුත් සෑම උත්සහයක්ම සාර්ථක නොවිය හැක.

195 සතිය

යමක් ලැබීමෙන් පංචේන්ද්‍රිය සංතෘප්ත කල හැකිනම් ඒ දේ ලැබීමට ඕනෑම දෙයක් කිරීමට පසුබට නොවිය යුතුය.

194 සතිය

මරණය පිළිබඳ සිහියෙන් සිටීම තරම් සතුටින් සිටීමට හැකි උපක්‍රමයක් නොදකිමි. අම්මා, තාත්තා, පෙම්වතා, පෙම්වතී කොයිවේලේ හෝ මැරෙණ බව හා සියල්ල මරණයෙන් අහිමි වන බව නිතර සිහිකිරීම තරම් සිත සැහැල්ලු වන ධර්මතාවක් නොදනිමි.