ඊයේ රෑ මා සිහිනෙන් දුටු ඒ කුමරිය කොහිදෝ ඉන්නේ
මේ ඉර හද යට කොතැනක හිටියද හමුවන තුරු ඉවසන්නේ
මිහිබට නැති ඒ සුර අගනක්දෝ දෙව් ලොවසිටදෝ එන්නේ
ජීවවමාන ලෙස ඈ හමුවන තුරු සිත මා පෙරුම් පුරන්නේ
කොමඩු දෙපලුවන් දෙතොල් සලා ඈ ගීයක් හිමිහිට මුමුණයි
මේ මිහිපිට ඇති සුමිහිරි වදනක් ඒ ගීයෙන් මට ඇගවෙයි
ආදරයයි ආදරයයි කියමින් දෙසවන් සනහයි
දෙනෙතට මා රසදුනක් මවා වත කමල සලා ඈ රගදෙයි
මා හිස ඈ ලය තුරුලෙ හොවාලා ආදරයෙන් මා නලවයි
හිස අතගා ඈ සිනහ මවාලා දෙකොපුල් සිඹ හද ජල්වයි
නෙත ඇහැරී මා බලනා කල ඈ සයනේ හැරදා පැනයයි
ඈ මා වෙන්කල නපුරු හිරුට ඒ හදවත මා දොස් පවරයි
No comments:
Post a Comment