Friday, February 12, 2016

මගේ කතාව 2 - අලුත් ලෝකය

සීනි ආච්චි තරමක් ලෝභ තැනැත්තියක් වූ අතර පැණි ආච්චි යහපත් කෙනෙක් විය. ඈට තිබුනු එකම හා ලඟම මිතුරා වූයේ වෑර්ලස් රේඩියෝවයි. නිතරම එයට සවන් දෙමින් කාමරයට වී සිටී ඈ එළියට ආවේ ආහාර ගැනීමටත්, හවස බුදුන් වැඳීමට මල් කැඩීමටත්ය. එම නිවසේ ඉදිරිපස වම් කෙලවරට වන්නට පිච්ච වැලක් තුබූ අතර ඈ මල් පෙති අත ගාමින් හීන් සීරුවට හොඳම මල් පමණක් තෝරා ගනී. නංගී නිවසේ සිටියෝත් ඈ නංගීව ද බුදුන් වැඳීමට අඬ ගසා ගනී.

පිච්ච වැලට අමතරව රෝස, ඇන්තූරියම්, වද, කූඩළු, දාස් පෙතියා ඇතුලු විවිධ වර්ගයේ මල් ගස් මෙන්ම වෙනත් වර්ගයේ ගස් ද විශාල ප්‍රමාණයක් වත්තේ තිබිණ. අපේ මුල්ම නිවසේ තිබූ තරම් විශාල වත්තක් නොවුනත් කලින්  කොහෙත්ම වත්තක් නොතිබුනු කූඩුවට වඩා අලුත් නිවස අපට දෙව් විමනක් විය. එය ප්‍රධාන පාරෙන් ඇතුලට වන්නට ගුරු පාරකට මුහුණලා තිබුනු බැවින් අපට පාරද සෙල්ලම් කිරීමට යොදා ගතහැකි විය. එය දෙමව්පියන්ට ද මහත් සහනයක් වන්නට ඇත. මන්ද අප වාහනයකට යටවීමේ අවධානමක් එහි නොවීමය. ඒ බය අපට ද නොවුනු බැව්න්දෝ මා පා පැදියකට හැප්පුනේ.

වත්තට ඇතුලු වන තැනම වම් කෙලවරේ ඇඹරැල්ලා ගසක් ද පොල්ගස් කීපයක් ද සහිතව කැලෑව වැවී තිබූ අතර එය ගැරඬියන්, නයින් හා පොළඟුන්ට ද නවාතැනක් විය. ඊට අමතරව පලා පොළගුන් හා ඇහැටුල්ලන් ද ඉඳහිට එහි පැමිණ සිටිනු අපට දැක ගත හැකි විය. වත්තේ ඉදිරිපස දකුණු පැත්තේ කෝපී ගස් සිටුවා තිබූ අතර ළිඳ පිහිටියේ ද ඒ හරියේ ය. එය විශාල ළිඳක් වූ අතර දැලකින් ආවරණය කොට තිබිණ. එහි හුංඟන් කීප දෙනෙක් සහ ඉස්ගෙඩියන් විශාල ප්‍රමාණයක් ද ජිවත් විය. නිවසේ දකුණු දෙසින් නම නොදන්නා ගසක් තිබූ අතර එයට නැගීමෙන් නිවසේ වහලට නැගීමට හැකිවිය. නමුත් එහි දිමිගොටු දහයක් පහලොවක් තිබූ බැවින් වහලට නැගීම එතරම් පහසු කාර්යයක් ද නොවීය. වත්ත පිටුපස වතුර ටැංකිය ද වැසිකිලිය ද විය. ඒ හරියේ නිතර තෙත ගතියෙන් යුක්ත වූ බැවින් මඩේ සැදෙන කටු පඳුරු කීපයක් විය.

මේධංකර පාර ප්‍රධාන පාරේ සිට පල්ලමට වූ බැවින් වත්තේ වම් පැත්තට අල්ලපු ඉඩම තරමක් ඉහලිනි පිහිටියේ. එහි තරමක් පරණ නිවසක් වූ අතර එහි ජීවත් වූ පවුලේ අයියා කෙනෙක් හා අක්ක කෙනෙක් වූ නමුත් අප සමඟ මිත්‍රවූයේ අක්කා පමණි. ඇය නමින් සාගරිකා ය. එම නිවසේ ද ඇනෙක්සියක මුස්ලිම් පවුලක් ජීවත් විය. ඒ අළුත විවාහ වූ ජෝඩුවකි. අප නිවසේ ඇනෙක්සියේ උන්නේ ද අළුත විවාහ වූ ජෝඩුවක් නමුත් ඔවුන්ට කිරිකැටියෙක් ද විය.
ඉදිරි පසින් ගුරුපාර ද, දකුණු පසින් හා පිටු පසින් හිස් ඉඩම් ද වූ බැවින් අසල්වැසියන් ලෙස සිටියේ සාගරිකා අක්කලා පමණි. සාගරිකා අක්කා ද නංගිගේ පාසලේම විය. ඒ නිසයි ඈ හා අප ඉක්මනින් ම මිතුරු වූයේ. ඇඹරැල්ලා ගස ඔවුනගේ වත්තට මායිම්ව පැවති නිසා අප එකතු වූයේ ඇඹරැල්ලා ගස අසලටයි. ඒ කාලයට පවතින උඩින් යෑමේ ආසාව නිසා අප බොහෝවිට උන්නේ ගස උඩය. සාගරිකා අක්කා සෙල්ලම් කිරීමට වැඩි ප්‍රියතාවයක් නොදැක් වූ අතර කෑදර තැනැත්තියක් විය. ඒ නිසා බොහෝ විට ඈ යෝජනා කලේ ආහාර ගැනිමේ ක්‍රම පිළිබඳවයි. ඈ අක්කා වු බැවින් ඈ කරන යෝජනා බොහෝ විට ක්‍රියාත්මක විය. ක්ෂණික නූඩ්ල්ස් පැකට් එකක් ගෙන එහි ඇති රසකාරක පැකට්ටුවේ ඇති කුඩුත් සමඟ බයිට් වර්ග කන්නා සේ අමුවෙන් ආහාරයට ගැනීම ඇගේ විනෝදාංශයක් වූ බැවින් අපි ඇඹරැල්ලා ගස උඩ ඉඳගෙන ඒවා ආහාරයට ගතිමු. ඊට අමතරව පාන් පුඩින් සෑදීම, වෙරළු තම්බා අච්චාරු දැමිම ඇතුළු විවිධ ආහාර වර්ග සෑදීම සාගරිකා අක්කා සමඟ කල ක්‍රියාකාරකම් අතර විය. ඇගේ කෑදරකම නිසාමදෝ ඇය අපට පෙනි පෙනී මහත් විය.

17 comments:

  1. Information is good in the article, Thanks for the post.

    Tripura Police Recruitment 2016

    ReplyDelete
  2. Sarkari Recruitment is one of the biggest Indian Job Site so here you will getKarnataka govt jobs Latestso

    ReplyDelete
  3. Sarkari Recruitment is one of the biggest Indian Job Site so here you will getHPPSC Jobs 2017 so

    ReplyDelete
  4. certainly like what you’re stating and the way in which you say it.
    10th Class Board Exam Result 2017
    10th class exam results

    ReplyDelete
  5. Thank you for the useful information. You might be interested in AP Inter 1st Year Results So

    ReplyDelete
  6. Jobs Chat is one of the biggest Indian Job Site so here you will getMadhyapradesh Government Jobsso

    ReplyDelete
  7. Thanks for this wonderful post. The information in this article is very helpful to me. Thanks a lot for sharing. Keep blogging.
    Interest Waypoint
    For dirty truth or dare questions for adults
    Best Truth or Dare Questions for Couples who are getting Married Soon

    ReplyDelete