මෙන්න බොලේ ලංකාවේ සිංහයෙක් !. මෙ දවස්වල ඕං මාධ්‍යවල සෑහෙන්න ප්‍රචාරයක් යනවනෙව එකපාරටම මතුවෙච්ච සිංහයෙක් ගැන. ඉතින් ඕං අපේ සම හරක් ඇයීන්ට ඊට වඩා දෙයක් නෑ නෙව. කට්ටියක් කියනව මොන සිංහයොද බොල ලංකාවේ ඔය බල්ලෙක් නෙව බොලව් කියල. තව කට්ටියක් කියනව නෑ නෑ ඒ නම් සිංහයෙක්ම තමා බොල කියලා.
ඔයින් මෙයින් ඉතින් සම හරක් යනව මේ අපූරු සිංහපෝතකයා බලාකියාගන්ට කියල. සම හරක් පලු යන්න බයිනවා මොන බල්ලෙක් ද මේ කියාලා. මාධ්‍යවේදි උන්දැලටත් කල්ලමරේ, ඔන්න එකපාරකට නියපොතු පෙන්නනවා කියලා ප්‍රචාරය කරනවා, ආයේ කියනව අහවල් දවසට කේසර පුම්බන්න යන්නේ කියලා. ඉතින් මේ සත්වයාටත් මරු චැන්ස් එක. එක එක ධනපතියෝ, පතිනියො ඇවිත් හොද හොද මස් වර්‍ග එහෙමත් ගෙනත් දෙනවා. ඉතින් ඌත් මොකැ කියන්නේ "බලන්න මගේ වලිගෙ මයිල් දිහා, බලු වලිගයක් ද සිංහ වලිගයක් ද කියාලා, ඔහේලටම පරික්ෂා කරල බලාගන්න බැරියෑ" කියාලයි.
ඕං ඉතින් මගේ යාලු මිත්තරයෙකුත් මේකව ටෙලිවිසොන් එකේ දැකලා මගෙන් අහපි "ඇත්තටම ජොරෝ මොකෑ උඹ කියාන්නේ, එකා ඇත්තටම සිංහයෙක්ද?" කියාලා. මං කියෙව්වා "අනේ බාං ඕකා සුනකයෙක් උනත් මට ඇති ප්‍රයෝජනයක් නෑ, සිංහයෙක් උනත් මට ඇති අහවල් ප්‍රයෝජනයක්ද?, මං මේ මං ගැන හොයනවාය, උබත් කොහෙවත් නැති සතෙක් ගැන හොන්නැතුව තමන් මොන ජාතියෙ සතෙක් ද කියලා බලා ගන්න එක තමා හොඳ" කියාලා.
කවුරු කවුරුත් තමන් මොකෙක්ද කියලා හිතුවනං හොඳා තමා. ඔහේටත් මටත් ඒක අදාළයි.
ReplyDeleteඅත්තනාව කතං පාපං
Deleteඅත්තනා සඞකිලිස්සති
අත්තනා අකතං පාපං
අත්තනාව අකතං පාපං
අත්තනාව විසුජ්ඣති
සුද්ධි අසුද්ධි පච්චත්තං
නාඤ්ඤාමඤ්ඤො විසොධයෙ
කියලනෙව බුදු හාන්දුරුවො කියල තියෙනවාය කියන්නේ.